სხვადასხვა სამედიცინო მომსახურებას კასპის მერია 500-ლარამდე თანხით დაგიფინანსებთ

კორონაროგრაფია, ანგიოგრაფია, ემბოლექტომია, ემბოლიზაცია, სისხლძარღვების სტენტირება, შუნტირება, სისხლძარღვების პლასტიკა, რეზექცია, ლიგირება – თუ რომელიმე სამედიცინო მომსახურებისთვის თანხა გაკლდებათ, კასპის მერიას უნდა მიმართოთ,რომელიც გადასახდელი თანხის 50%-ს  დაგიფინანსებთ. (არაუმეტეს 500 ლარისა).

რა დოკუმენტები უნდა მიიტანოთ მერიაში?

• განცხადება მუნიციპალიტეტის მერის სახელზე;
• განმცხადებლის პირადობის დამადასტურებელი დოკუმენტი;
• პაციენტის პირადობის დამდასტურებელი დოკუმენტი, ხოლო არასრულწლოვანის შემთხვევაში დაბადების მოწმობა და არასრულწლოვანის რეგისტრაციის ბარათი;
• ცნობა ჯანმრთელობის მდგომარეობის შესახებ (ფორმა №100);
• ხარჯთაღრიცხვა ან/და კალკულაცია ან/და სხვა დოკუმენტი სამედიცინო დაწესებულებიდან;
• უარი ან დაფინანსების ფურცელი (გარდა კორონაროგრაფიისა) სახელმწიფო პროგრამით ან სადაზღვევო კომპანიიდან დაფინანსების თაობაზე ან/და შესაძლებელია იგივე მონაცემები წარმოდგენილი იყოს ხარჯთაღრიცხვის დოკუმენტში.

სოციალურ სერვისზე კონსულტაციის მისაღებად, შეავსეთ ფორმა –

https://forms.gle/P426GwL3ALJ4APXQ8