დღევანდელ სწრაფად ცვალებად ტექნოლოგიურ სამყაროში, პროგრამირება სულ უფრო ხელმისაწვდომი ხდება ფართო საზოგადოებისთვის. თუმცა, ხშირად, პროგრამირების დაწყება ან ახალი პროექტის წამოწყება მოითხოვს რთული პროგრამული უზრუნველყოფის ინსტალაციასა და კონფიგურაციას, რაც დამწყებთათვის ხელმიუწვდომელია.
სწორედ ამ გამოწვევის საპასუხოდ, “მეტალაბის” კურსდამთავრებული, თამარ ლეკიშვილი გვიზიარებს გამოცდილებას, თუ როგორ არის შესაძლებელი ამ მიზნის მიღწევა replit.com – ის დახმრებით.
წარმოიდგინეთ, რომ შეგიძლიათ დაიწყოთ კოდირება ნებისმიერი მოწყობილობიდან, ყოველგვარი ინსტალაციის გარეშე, პირდაპირ თქვენი ვებ-ბრაუზერიდან.
Replit არის სრულფასოვანი ეკოსისტემა, რომელიც შექმნილია დეველოპერების, სტუდენტებისდა სხვა დაინტერესებული პირებისთვის მუშაობის და ცხოვრების გასამარტივებლად.
Replit მხარს უჭერს 50-ზე მეტ პროგრამირების ენას, მათ შორის ყველაზე პოპულარულებს, როგორიცაა Python, JavaScript, C++, Go და მრავალი სხვა. ეს ნიშნავს, რომ თქვენ არ ხართ შეზღუდული ერთი კონკრეტული ენით. უფრო მეტიც, Nix პაკეტ-მენეჯერის ინტეგრაციის საშუალებით, შესაძლებელია დამატებითი ენებისა და ბიბლიოთეკების მხარდაჭერაც, რაც Replit-ს უსაზღვროდ მოქნილს ხდის ნებისმიერი პროექტისთვის.
