ხაშურში სპორტული ღონისძიებების დაფინანსება ადგილობრივ ბიუჯეტშია გათვალისწინებული

2023 წელს, ხაშურის მერია სხვადასხვა ახალგაზრდულ-სპორტულ ღონისძიებას აფინანსებს. საჭირო თანხები ადგილობრივ ბიუჯეტშია გათვალისწინებული. დაფინანსება მიმართულია როგორც აქტივობის, ისე გამარჯვებულთა დაჯილდოებისთვის, ფასიანი საჩუქრების შესაძენად.

კონკრეტულად კი გაწერილია შემდეგი სახის ღონისძიებების მხარდაჭერა:

• სასკოლო სპორტულ ოლიმპიადაში მონაწილეობის ხარჯები

• შშმ პირთათვის ღონისძიების ორგანიზება და მათთვის ფასიანი საჩუქრების გადაცემა

• ახალგაზრდებისა და ახალგაზრდობის საკითხებზე მომუშავე ორგანიზაციების მიერ წარმოდგენილი ინიციატივების ხელშეწყობა და დაფინანსება

• სხვადასხვა დონის ახალგაზრდული ღონისძიებების ორგანიზება და წარმატებულ ახალგაზრდებზე ფასიანი საჩუქრების გადაცემა

• ახალგაზრდული ღონისძიებებისათვის საჭირო ტრანსპორტირების ხარჯი

სოციალურ სერვისზე კონსულტაციის მისაღებად, შეავსეთ ფორმა – https://forms.gle/P426GwL3ALJ4APXQ8