უსაფრთხოების კურსზე “ქართულმა მედია ჯგუფმა” 2023 წლის მეორე ნაკადი მიიღო. სხვადასხვა სფეროში დასაქმებული ადამიანები, ასევე სტუდენტები, სასესიო თემებს გაეცნენ, რის საფუძველზეც მიღებულ ცოდნას უკვე პრაქტიკულ ეტაპზე გამოიყენებენ.
მონაწილეები აცნობიერებენ თანამედროვე ციფრულ ეპოქაში არსებულ გამოწვევებს და ფიქრობენ, რომ უსაფრთხოების ძირითადი პრინციპებისა და გარკვეული პრევენციის შესახებ, თითოეული მოქალაქე მინიმუმ ინფორმირებული უნდა იყოს, რასაც არა მხოლოდ საქმიანობაში, არამედ პირად ცხოვრებაშიც გამოიყენებს.
“ქართული მედია ჯგუფი” პროექტს შვედური ორგანიზაციის (CRD) მხარდაჭერით და CASE-თან პარტნიორობის ფარგლებში ახორციელებს. პროგრამის ხელმძღვანელია, კიბერუსაფრთხოების ექსპერტი – ლაშა პატარაია.
