ბოლო პერიოდში ქალთა მიმართ ძალადობა ფიზიკურთან ერთად ციფრულ სივრცეშიც აქტუალური თემა გახდა. ტექნოლოგიების განვითარებასთან ერთად იზრდება შესაძლებლობები და ბუნებრივია – საფრთხეებიც. ქალთა მიმართ ონლაინ სივრცეში განხორციელებული ძალადობის წინააღმდეგ სხვადსხვა ღონისძიება მიმდინარეობს. აღმოჩნდა, რომ ერთ-ერთი მთავარი სამიზნე ამ მხრივ ბიზნესში ჩართული ქალები არიან.
სწორედ ამ გამოწვევების საპასუხოდ დაიწყო საქართველოსა და სომხეთში “მერსი ქორფსის” წარმომადგენლობამ 3 წლიანი პროგრამის განხორციელება, ინკლუზიური ეკონომიკური ზრდის წინსვლისთვის, ციფრული ტრანსფორმაციის, დემოკრატიზაციისა და ბიზნესში ქალების ონლაინ უსაფრთხოების გზით. პროგრამის პრეზენტაცია დღეს გორის უნივერსიტეტში, 16 დღიანი კამპანიის ფარგლებში მოეწყო, დეტალები კი პროექტის გუნდმა “ალგორითმის” მაყურებელს გაუზიარა.
