სოხუმში, ოპოზიციასა და სამართალდამცავებს შორის დაწყებული დაპირისპირება შეტაკებაში გადაიზარდა. აფხაზური მედიის ინფორმაციით, დემონსტრანტები ამ დრომდე ცდილობენ ე.წ. პარლამენტის შენობაში შეჭრას.
მანამდე მომიტინგეებმა მათთან დე ფაქტო პრეზიდენტის ასლან ბჟანიას გამოსვლა მოითხოვეს, რისთვისაც მასთან ორი დელეგატი გაგზავნეს. თუმცა, ბჟანიამ მათთან გასვლაზე დელეგატების მეშვეობით უარი შეუთვალა.
ბჟანიამ განაცხადა, რომ არ არის მზად, დიალოგი აწარმოოს აფხაზეთის “სახალხო პატრიოტულ კავშირთან“.
