ნინო ჩიბჩიურის მიერ შექმნილმა ნამუშევარმა, მონაცემთა ვიზუალიზაციის კონკურსში გაიმარჯვა

ForSet -მა მონაცემთა ვიზუალიზაციის კონკურსში გამარჯვებულები დაასახელა. 5 საუკეთესო ნაშრომის ავტორთა შორის, ჟურნალისტი ნინო ჩიბჩიურიცაა. მან საკონკურსო ნამუშევარი ოკუპაციის თემაზე მოამზადა, რომელმაც ჟიურის მოწონება დაიმსახურა. კონკურსში ათეულობით მონაწილე ჩაერთო, მათგან საკუთარი ნამუშევარი 23-მა მათგანმა წარადგინა. საბოლოოდ კი ჟიურიმ 5 გამარჯვებული შეარჩია.

“კონკურსი მონაცემთა ღიაობის და აუდიტორიასთან მათი ეფექტური მიწოდების ნამდვილი ზეიმი იყო. მონაწილეებმა 23 ვიზუალიზაცია შემოგვთავაზეს, მათ შორის ინტერაქციული, სტატისტიკური, ანიმაციური და სხვა სახით. ნამუშევრების დეტალური შეფასების შედეგად, ჟიურის წევრებმა 5 გამარჯვებული პროექტი შეარჩიეს, რომლებიც უახლოეს პერიოდში გამოქვეყნდება”, – აცხადებენ ForSet-ში.