კარდიოქირურგიული ოპერაციის თანადაფინანსება თუ გჭირდებათ, კასპის მერიას მიმართეთ

თუ გჭირდებათ კარდიოქირურგიული ოპერაციისთვის თანხა და ცხოვრობთ კასპის მუნიციპალიტეტის ტერიტორიაზე, შეგიძლიათ კასპის მერიას მიმართოთ, რომელიც გადასახდელი თანხის ნახევარს დაგიფინანსებთ. 50%-იანი თანადაფინანსება 1000 ლარამდე თანხის მიღებას გულისმობს.

რა დოკუმენტების წარდგენა დაგჭირდებათ კასპის მერიაში?  

• განცხადება მუნიციპალიტეტის მერის სახელზე;
• განმცხადებლის პირადობის დამადასტურებელი დოკუმენტი;
• ბენეფიციარის პირადობის დამადასტურებელი დოკუმენტი, ხოლო არასრულწლოვანის შემთხვევაში დაბადების მოწმობა და არასრულწლოვანის რეგისტრაციის ბარათი;
• ცნობა ჯანმრთელობის მდგომარეობის შესახებ (ფორმა #100);
• ხარჯთაღრიცხვა ან/და კალკულაცია ან/და სხვა დოკუმენტი სამედიცინო დაწესებულებიდან;
• უარი ან დაფინანსების ფურცელი სახელმწიფო პროგრამით ან სადაზღვევო კომპანიიდან დაფინანსების თაობაზე ან/და შესაძლებელია იგივე მონაცემები წარმოდგენილი იყოს ხარჯთაღრიცხვის დოკუმენტში.

სოციალურ სერვისზე კონსულტაციის მისაღებად, შეავსეთ ფორმა – https://forms.gle/P426GwL3ALJ4APXQ8