Home საზოგადოება დედაენის დღე ახალგაზრდებმა გორელებს ყვავილებით მიულოცეს

დედაენის დღე ახალგაზრდებმა გორელებს ყვავილებით მიულოცეს

metalab.ge

14 აპრილს გორელებს დედაენის დღე მიულოცეს. ღონისძიების ორგანიზატორი ახალგაზრდული ცენტრი ,,ახალი თაობა” იყო. ახალგაზრდული ჯგუფის ინიციატივითით გამვლელ მოქალაქეებს სიმბოლური თაიგულები გადაეცათ, რომელსაც თან ერთვოდა გამოჩენილი ქართველი მწერლების გამონათქვამები ქართულ ენასთან დაკავშირებით.

“14 აპრილი, ჩვენი ორგანიზაციის თითოეული წევრისთვის, როგორც სრულიად საქართველოსთვის, განსაკუთრებული დღეა. ეს არის დღე ჩვენი ენისა, რომელიც ყველაზე ლამაზი და ყველასგან გამორჩეულია. ესაა დღე ჩვენი და ჩვენი ენის გამარჯვებისა. 1978 წელს, მაშინ, როდესაც ჩვენი ქვეყანა, უდიდესი საუნჯის, ქართული ენის, დაკარგვის წინაშე დადგა, ადამიანთა ერთობამ შეძლო ის, რომ დღეს ჩვენ ქარულად ვმეტყველებთ. ეს არცაა გასაკვირი, ერთიანობას ხომ ყველაფერი შეუძლია. ჩვენ,ახალგაზრდებს, რომელთა მთავარი მიზანიც სწორედ ჩვენი ქვეყნის, ჩვენი ქალაქის გაერთიანებაა არ შეგვეძლო ეს დღე აღნიშვნის გარეშე ჩაგვეტარებინა. ამიტომ გადავწყვიტეთ პატარა, მაგრამ სიმბოლური საჩუქრით მიგველოცა დედა ენის დღე, ჩვენი ულამაზესი ენის დღე, ჩვენი ქალაქისათვის და თანამოქალაქეებისთვის,” – აღნიშნა ღონისძიების ერთ-ერთმა ორგანიზატორმა, რუსკა ბუზიაშვილმა.

ღონისძიება გორში ROYAL Flowers-ის მხარდაჭერით განხორციელდა.

223 ნახვა

დაკავშირებული სტატიები

www.metalab.ge

“საინფორმაციო ლაბორატორია სიყალბის მიღმა”

მოიწონე გვერდი

მოგვწერეთ

ბოლო სიახლეები

© metalab.ge –  საიტი შექმნილია ომისა და მშვიდობის გაშუქების ინსტიტუტის (IWPR) მხარდაჭერით.